వంకాయ ఉల్లికారం:

కావలసిన పదార్థాలు:

లేత వంకాయలు - పావు కిలో,

వెల్లుల్లి - 10 రెబ్బలు,

జీలకర్ర - పావు టీస్పూను,

కారం - ఒకటిన్నర టీస్పూను,

ఉప్పు, నూనె - తగినంత,

ఉల్లికారం - 2 టీస్పూన్లు.

తయారీ విధానం:

వంకాయలు కడిగి తుడిచి పెట్టుకోవాలి. వెడల్పాటి గిన్నెలో నీళ్లు నింపి అందులో చిటికెడు ఉప్పు కలిపి పెట్టుకోవాలి. వంకాయలకు నిలువుగా నాలుగు గాట్లు పెట్టి తొడిమతో సహా నీళ్లలో వేయాలి. వెల్లుల్లి, జీలకర్ర, కారం, ఉప్పు మెత్తగా నూరుకోవాలి. ఈ ముద్దకు ఉల్లికారం కూడా చేర్చి, కొద్దిగా నూనె కూడా కలుపుకోవాలి. ఈ ముద్దను వంకాయల్లో కూరుకుని నూనెలో వేయించుకోవాలి.