రోస్టేడ్ చికెన్:

కావలసిన పదార్థాలు :

చికెన్ - ఒకటి

తాజా హెర్బల్ ఆకులు - అరకప్పు (రోజ్ మేరి, కొత్తిమీర, సేజ్, వాము, పూదీన)

ఉప్పు - రుచికి సరిపడా

మిరియాలు - రుచికి సరిపడా

నిమ్మరసం - 2 టేబుల్ స్పూన్లు

నూనె - 3 టేబుల్ స్పూన్లు

కిచెన్ కింగ్ మసాలా - టేబుల్ స్పూన్

కారం - టేబుల్ స్పూన్

స్టఫింగ్ కోసం :

నిమ్మకాయ - అర చెక్క

వెల్లుల్లి - కొన్ని

రోజ్ మేరి - చిన్న కొమ్మ

తయారుచేసే పద్ధతి :

ఓవెన్ ను ముందుగానే 180 డిగ్రీల సెంటిగ్రేడ్ దగ్గర వేడి చేయాలి. చికెన్ పైన ఉన్న తోలు, లోపల ఉన్న కొవ్వు తీసేయాలి. తరువాత శుభ్రముగా కడిగి పలుచని బట్టతో తడి లేకుండా అద్దాలి.

తాజా ఆకులన్నీ సన్నగా తరగాలి.

ఓ చిన్న గిన్నెలో ఆకుల తురుము, ఉప్పు, మిరియాల పొడి, నిమ్మరసం, నూనె, కిచెన్ కింగ్, కారం వేసి కలపాలి.

కోడి పొట్ట లోపల నిమ్మచెక్క, వెల్లుల్లి రెబ్బలు, రోజ్ మేరి ఉంచాలి. ఇవి తినడానికి కాదు కేవలం మంచి వాసనా కోసం మాత్రమే.

ఇప్పుడు తాజా ఆకుల తురుముని కోడికి అన్ని వైపులా పట్టించాలి. ఛాతి దగ్గర చర్మం వదులుగా లాగి లోపల కూడా పట్టించాలి.

కాళ్ళని మందపాటి దారంతో కట్టేసి బేకింగ్ ట్రేలో పెట్టి ఓవెన్ లో సుమారు గంట నుంచి గంటన్నర సేపు రోస్ట్ చేయాలి. మధ్యమధ్యలో చికెన్ నుంచి కారిన జ్యూస్ ను అడ ఎండిపోకుండా చికెన్ కు పట్టిస్తూ ఉండాలి.

మొత్తం రోస్ట్ అయ్యాక దాన్ని అలాగే పదిహేను నిముషాలు ఉంచాలి. బయటకి తీసి పొట్టలోపల ఉంచినవన్నీ తీసేయాలి. ఇప్పుడు దీన్ని కావలసినట్లుగా ఏ భాగానికా భాగాన్ని విడతీసి వడ్డించాలి.